Ռուսաստանում գործող «Metro Cash&Carry» առեւտրի կենտրոնների ցանցը լավ պայմաններ է առաջարկել Հայաստանից հագուստ գնելու համար: NEWS.am-ի թղթակցի հետ զրույցում այս մասին հայտարարեց Ռուսաստանում Հայաստանի առեւտրի ներկայացուցիչ Կարեն Ասոյանը:
Նրա խոսքով՝ հայկական արտադրության հագուստը, հատկապես՝ մանկական, հետաքրքրում է նաեւ ռուսական այլ խոշոր ցանցերի եւ խանութների:
«Վերջերս ես ծանոթացրեցի «Metro Cash&Carry»-ի մենեջերներին եւ UNIDO ծրագրի ներկայացուցիչներին: Պարզվեց, որ մեզ պատրաստ են շատ շահավետ պայմաններ առաջարկել: Նման ցանցերը մեր արտադրողների համար չափազանց մեծ ծավալներ են պահանջում: Բայց մենք պայմանավորվեցինք, որ նախ խմբաքանակները կարող են այդքան էլ մեծ չլինել եւ ներկայացվել ոչ բոլոր խանութներում, այլ 1-2-ում»,- նշեց Ասոյանը:
Նշենք, որ Ռուսաստանին բաժին է հասնում Հայաստանից հագուստի արտահանման շուրջ մեկ երրորդը: Իտալիայից հետո այն երկրորդ ամենամեծ արտաքին շուկան է հայկական կարի ֆաբրիկաների համար: