Մանչեսթերում ամերիկյան երգչուհի Արիանա Գրանդեի համերգից հետո տեղի ունեցած պայթյունի հետեւանքով տուժածների թիվը հասել է 59-ի: Այս մասին հաղորդում է BBC-ն:
Զոհերի թիվը նույնն է՝ 19 մարդ: Մեծ Բրիտանիայի ՆԳ նախարար Ամբեր Ռադը պայթյունը «բարբարոսական ակտ» է կոչել:
Կատարվածի հիմնական վարկածն ահաբեկչությունն է: Եթե հետաքննության ընթացքում այս վարկածը չհերքվի, «Մանչեսթեր արենա»-ում տեղի ունեցած պայթյունն ամենախոշոր ահաբեկչությունը կլինի Բրիտանիայում՝ 2005 թվականի հուլիսի լոնդոնյան պայթյուններից հետո, որոնց արդյունքում ավելի քան 50 մարդ զոհվեց:
Ականատեսների վկայությամբ՝ «Մանչեսթեր արենա»-ում պայթյունը որոտացել է, երբ Արիանա Գրանդեն ավարտել է համերգային ծրագիրն ու մարդիկ սկսել են հեռանալ:
