Մեկ շաբաթվա ընթացքում մոտ հազար մարդ է հիվանդանոց տեղափոխվել Ճապոնիայի տարածքի զգալի մասում տիրող շոգի պատճառով։ Տուժածների մոտ կեսը 65 տարեկանից բարձր մարդիկ են, հաղորդում է «ՌԻԱ Նովոստի»-ն։
Տուժածները մեծ թիվ են կազմում Տոկիոյում եւ Աիթի, Օսակա, Հյոգո, Սաիթամա, Կանագավա պրեֆեկտուրաներում։
Ըստ Ճապոնիայի գլխավոր օդերեւեութաբանական գործակալության՝ առաջիկա օրերին երկրի մեծ մասում շոգ եղանակը կպահպանվի։ Օդերեւութաբանները մարդկանց կոչ են անում օգտվել օդափոխիչներից եւ աշխատել երկար ժամանակ չմնալ դրսում, ինչպես նաեւ շատ ջուր խմել։