Լոնդոնում ՀՀ դեսպանությունը ճշտում է Մանչեսթերի պայթյունի հետևանքով տուժած Հայաստանի քաղաքացիների առկայությունը։ Այդ մասին Twitter-ում գրել է ԱԳՆ մամուլի քարտուղար Տիգրան Բալայանը։
Ինչպես ավելի վաղ հայտնել է NEWS.am-ը, Մանչեսթերում ամերիկյան երգչուհի Արիանա Գրանդեի համերգից հետո տեղի ունեցած պայթյունի հետեւանքով տուժածների թիվը հասել է 59-ի: Զոհերի թիվը 22-ն է: Մեծ Բրիտանիայի ՆԳ նախարար Ամբեր Ռադը պայթյունը «բարբարոսական ակտ» է կոչել:
Կատարվածի հիմնական վարկածն ահաբեկչությունն է: Եթե հետաքննության ընթացքում այս վարկածը չհերքվի, «Մանչեսթեր արենա»-ում տեղի ունեցած պայթյունն ամենախոշոր ահաբեկչությունը կլինի Բրիտանիայում՝ 2005 թվականի հուլիսի լոնդոնյան պայթյուններից հետո, որոնց արդյունքում ավելի քան 50 մարդ զոհվեց: