Երեց Գերոգի Մամալաձեն պատրաստվում է դատարան բողոք ներկայացնել Վրաստանի պատրիարքարանի դեմ՝ իր պատիվն ու արժանապատվությունը վիրավորելու համար, հաղորդում է «Նովոստի Գրուզիա»-ն։
Պատրիարքի ռեֆերանտ քարտուղար Շորենա Տետրուաշվիլիին ցիանիդով թունավորել պատրաստվելու մեղադրանով ձերբակալված հոգեւոր սպասավորի փաստաբանները նշում են, որ պատրիարքարանի իրավաբանի հայտարարությունները՝ երեցի՝ սեփական ընկերությունում «փողեր լվանալու» մասին, սուտ են։
Մամալաձեի փաստաբանները նաեւ բողոքարկել են Թբիլիսիի քաղաքային դատավոր Բեսիկ Բուգիանիշվիլիի որոշումը՝ այսպես կոչված «ցիանիդի գործով»՝ մեղադրյալի պաշտապնության նկատմամբ բացարկ հայտարարելու վերաբերյալ։ Դատավորը համարել է, որ փաստաբանները անհարգալից վերաբերմունք են ցույց տվել դատարանին եւ նրանց մեկուսացրել պաշտպանությունից՝ Մամալաձեի համար նոր պաշտպան նշանակելով։ Մամալաձեի երեք փաստաբանները չեն հասկանում,թե ինչով է պայմանավորված նման վճիռը։
