Փարիզում կողոպտվել է Buccellati ոսկյա զարդերի խանութը։ Ավազակների հասցրած վնասը կազմում է 5 մլն եվրո, հաղորդում է France Bleu-ն։
Հաղորդագրությունում ասվում է, որ ավազակները երեքն են եղել։ Նրանցից մեկը զինված է եղել հրացանով, իսկ մյուս երկուսը՝ կացիններով։ Չարագործները կոտրել են պատուհանն ու հափշտակել թանկարժեք զարդերը։ Հետո նրանք հեռացել են ավտոմեքենայով։ Միջադեպի հետեւանքով ոչ ոք չի տուժել։
Le Рarisien-ը, վկայակոչելով աղբյուրին, հաղորդում է, որ միջադպը ցերեկն է տեղի ունեցել։ Երկու ավազակները դիմահականդեսային դիմակներ են կրել։ Հսկիչն ինքն է դուռը բացել առաջին ավազակի առջեւ։
Կողոպուտի ժամանակ աշխատակիցներն ու հաճախորդները եղել են խանութի ներսում։ Սակայն դա չի խանգարել հարձակվողներին հափշտակել թանկարժեք զարդերն ու հեռանալ մինչ ոստիկանության գալը։