Ռուսական բանակի թատրոնի հայտնի ռեժիսոր, ՌԴ ժողովրդական արտիստ Ալեքսանդր Բուրդոնսկին, ով նաեւ Իոսիֆ Ստալինի թոռն է, երեքշաբթի ծանր հիվանդությունից հետո մահացել է հիվանդանոցում։ Այս մասին «ՌԻԱ Նովոստի»-ին հայտնել են թատրոնում։
«76 տարեկանում վախճանվեց Ալեքսանդր Բուրդոնսկին։ Նրա հետ հրաժեշտի արարողությունը տեղի կունենա թատրոնում, քաղաքացիական հոգեհանգստի ու հուղարկավորության ժամերն ավելի ուշ հայտնի կլինեն»,-ասել է թատրոնի ներկայացուցիչը։
Ալեքսանդր Բուրդոնսկին Ռուսական բանակի կենտրոնական ակադեմիական թատրոնի խորհրդային եւ ռուսական բեմադրիչ ռեժիսոր էր, Ռուսաստանի Դաշնության ժողովրդական արտիստ (1996)։