Երեւանի «Շենգավիթ» բժշկական կենտրոնում անցած տարվա հուլիսին ծննդկան Նաիրա Աբգարյանի մահվան գործով նշանակվել է լրացուցիչ դատաբժշկական հանձնաժողովային փորձաքննություն: Այս տեղեկությունը NEWS.am-ի հետ զրույցում հաստատեց տուժողի իրավահաջորդի ներկայացուցիչ Լիանա Գասպարյանը:
Քանի որ նախաքննություն է ընթանում, տուժող կողմը դեռ չի բացում փակագծերը, թե ինչ է պարզվել առաջին փորձաքննությամբ եւ ինչու է այժմ լրացուցիչ փորձաքննություն նշանակվել:
Հիշեցնենք, որ 44-ամյա Նաիրա Աբգարյանը կեսարյան հատումով զույգ էր ունեցել 2016թ. հուլիսի 21-ին մայրաքաղաքի «Շենգավիթ» բժշկական կենտրոնում, վիրահատությունը նորմալ էր անցել, ժամեր անց, սակայն, վիճակը կտրուկ վատացել էր, արյունահոսություն էր սկսվել: Ծննդկանը տեղափոխվել էր բազմապրոֆիլային հիվանդանոց, որտեղ էլ մահացել էր: Դեպքի առթիվ հարուցվել է քրեական գործ: Նախաքննությունը շարունակվում է:
