Մեծ Բրիտանիայի Քենթ կոմսության, Քենթերբերի քաղաքում փրկել են դռան մեջ «խցանված» գեր ոզնուն։ Այս մասին հաղորդում է Lenta-ն՝ վկայակոչելով Daily Mail-ը։
Տանտիրուհին պատահաբար վախեցրել է այգում հայտնված կենդանուն։ Փախչելիս ոզնին փորձել է անցնել դռնակի ճաղերի արանքով եւ մնացել է այնտեղ։
Կինը չի կարողացել գազանիկին ինքնուրույն դուրս քաշել եւ դիմել է Կենդանիների նկատմամբ դաժանության կանխարգելման արքայական հանրություն։ Դեպքի վայր ժամանած մասնագետները օգնել են ոզնուն։ Նշվում է, որ նա չի տուժել։
«Նա շատ վախեցած էր եւ անդադար փորձում էր կծիկ դառնալ։ Ես ստիպված էի քաջալերել նրան, որպեսզի նա կծիկի չվերածվի։ Դրա համար հսկայական համբերություն ու ըմբռնում անհրաժեշտ եղավ»-ասել է հանրության աշխատակիցը։