Թուրքիայի զազաները կուսակցություն հիմնելու համար դիմելու են Ներքին գործերի նախարարությանը։
Թուրքական BirGun պարբերականի փոխանցմամբ՝ զազաներն արդեն Անկարայում գրասենյակի համար տարածք են վարձակալել եւ պատրաստվում են մինչեւ մայիսի վերջ կուսակցության խորհրդի նիստ անցկացնել ու ընդունել կուսակցության ծրագիրը։
Զազաները նշել են, թե իրենց տվյալներով Թուրքիայի խորհրդարանում մոտ 63 զազա պատգամավոր կա եւ իրենք ցանկանում են այդ զազա պատգամավորներին հավաքել մի կուսակցության մեջ եւ մասնակցել երկրի քաղաքական կյանքին։
Նշենք, որ զազաները Թուրքիայում ապրող իրանական ազգ են։