Հայաստանն օբյեկտիվորեն պատրաստ չէ ներդրումներ թույլ տալ՝ այդպիսին է երկրում իշխող համակարգը: Մայիսի 24-ին՝ լրագրողների հետ հանդիպման ժամանակ այս մասին ասաց Կենտրոնական բանկի նախկին նախագահ Բագրատ Ասատրյանը:
Ի պատասխան հարցին՝ Ներդրողների ակումբը չի՞ նպաստի Հայաստանում ներդրումների աճին, տնտեսագետն ասաց. «Մեր երկիրը չի փակվել՝ կլինեն նախաձեռնություններ, կլինեն որոշակի ներդրումներ, նախագծեր, որոնք հաջողությամբ կիրականացնեն, սակայն սա չի նշանակում, որ աշխարհը կձգտի այստեղ խնդիրներ լուծել: Ներկայիս վարչապետ Կարեն Կարապետյանը լավ շրջապատ ունի՝ այդ շրջապատից ոմանք կցանկանան օգնել, ներդրումներ կատարել: Սակայն սովորական մարդը չի կարողանա Հայաստանի տնտեսությունում ներդրումներ անել»:
