Ներկայումս Հայաստանի տնտեսության համար արտաքին խթանները բավականին դրական են: Մայիսի 24-ին՝ լրագրողների հետ հանդիպման ժամանակ այս մասին ասաց Կենտրոնական բանկի նախկին նախագահ, տնտեսագետ Բագրատ Ասատրյանը:
Նրա խոսքով՝ համաշխարհային տնտեսության հետ կապված ակնկալիքները դրական են: «Ռուսաստանում սպասվում է առնվազն 1-2 տոկոսով տնտեսական աճ: Սա դրական կանդրադառնա նաեւ Հայաստանի վրա»,- ընդգծեց Ասատրյանը՝ շարունակելով, որ Հայաստանից արտագաղթի պատկերը, սակայն, ծանր է: «Արտագաղթի մասով անցյալ տարվա ցուցանիշները գրեթե պահպանվել են, իսկ անցյալ տարի թիվը ռեկորդային էր՝ Հայաստանից 55 հազար մարդ է հեռացել»,- ասաց Բագրատ Ասատրյանը:
