«DigiTec 2017» ամենամյա տեխնոլոգիական ֆորումին կներկայացվեն պաշտպանական տեխնոլոգիաներ եւ արհեստական ինտելեկտ: Մայիսի 24-ին լրագրողների հետ հանդիպմանն այս մասին տեղեկացրեց Հայաստանի Տեղեկատվական տեխնոլոգիաների ձեռնարկությունների միության (UITE) գործադիր տնօրեն Կարեն Վարդանյանը:
Ֆորումը նախանշված է հունիսի 9-10-ին: Վարդանյանի խոսքով՝ ֆորումին պաշտպանական տեխնոլոգիաներ ներկայացվում են ոչ առաջին անգամ: Սրան կավելանա նաեւ արհեստական ինտելեկտի (AI) եւ վերականգնվող էներգետիկայի ուղղությամբ աշխատանքը:
«Միջազգային շուկայում մեր ընկերությունների AI-ները կարող են իրենց տեղն ունենալ: Դրա համար հարկավոր է գնահատել, թե դրանք ինչ ներուժ եւ հնարավորություններ ունեն»,- ասել է Վարդանյանը:
Ֆորումի ընթացքում քննարկվելու է մասնագետների համահայկական Haymap ցանցի ստեղծման գաղափարը: