«DigiTec 2017» ամենամյա տեխնոլոգիական ֆորումին Հայաստան կժամանի Տեղեկատվական տեխնոլոգիաների համաշխարհային դաշինքի ղեկավարը: Մայիսի 24-ին լրագրողների հետ հանդիպմանն այս մասին տեղեկացրեց Հայաստանի Տեղեկատվական տեխնոլոգիաների ձեռնարկությունների միության (UITE) նախագահ Ալեքսանդր Եսայանը:
Բացի ֆորումի հիմնական թեմաներից (պաշտպանական տեխնոլոգիաներ, վերականգնվող էներգետիկա, արհեստական ինտելեկտ, գյուղատնտեսական տեխնոլոգիաներ)՝ ֆորումի ընթացքում կքննարկեն նաեւ 2019 թվականին նախանշված Տեղեկատվական տեխնոլոգիաների համաշխարհային կոնգրեսի (WCIT) նախապատրաստական աշխատանքներին վերաբերող հարցեր:
2019 թվականի ֆորումին Երեւանում շուրջ 2 հազար ՏՏ գործարարների են սպասում:
