ԱՄՆ Ֆլորիդա նահանգի Փեմբրոք Փայնս քաղաքի բնակիչը իր ավտոտնակում 2,4 մետր երկարությամբ պիթոնի է որսացել, Sun Sentinel-ը վկայակոչելով՝ հաղորդում է Lenta-ն։
Ջոզեֆ Լիսկինսկին օձին նկատել է շանը զբոսանքի տանելիս։ Տղամարդը շանը տուն է տարել, իսկ ինքն ավտոտնակ վերադարձել։ Նա հիշել է կենդանիների մասին հաղորդման ժամանակ տեսած հնարքը եւ կարողացել որսալ սողունին։
«Գլխավորը, որ իմ շունը չի հայտնվել օձի մոտ։ Նա կխեղդեր նրան։ Իմ բախտը բերեց, որ ես դուրս եկա»,-ասել է նա։
Բնապահպանական գերատեսչության ներկայացուցիչները տարել են սողունին։