Պոլսո Հայոց պատրիարքի փոխանորդի պաշտոնը զբաղեցնող Արամ արքեպիսկոպոս Աթեշյանն այսօր` մայիսի 24-ին, հրաժարական է տվել: Այս մասին NEWS.am-ի հետ զրույցում ասաց Ստամբուլի «Ակօս» օրաթերթի հայկական բաժնի խմբագիր Բագրատ Էստուկյանը:
Արամ Աթեշյանի հրաժարականով տրվել է Պոլսո Հայոց պատրիարքի ընտրությունների գործընթացի մեկնարկը:
Ավելի վաղ Էջմիածնում Ամենայն Հայոց Կաթողիկոսի հետ միասին համաձայնություն էր կայացվել, որ Պոլսո հայոց պատրիարքական տեղապահի ընտրություն է տեղի ունենալու, որից հետո կառավարության կողմից նշանակված փոխպատրիարք արք․ Աթեշյանը հրաժարական էր տալու։ Սակայն, ընտրության արդյունքում հաղթել էր արք․ Բեքչյանը, որից հետո արք․ Աթեշյանը հրաժարական չէր տալիս։ Նա նահանգապետարանից մի թուղթ էր ներկայացրել, թե նահանգապետարանը օրինական չի համարում տեղապահի ընտրությունը։ Ըստ իրավաբանների, նահանգապետարանը իրավունք չունի միջամտելու ներեկեղեցական գործերին։
