Հայաստանի ու Իրանի հարաբերությունները Թուրքիայի ու Ադրբեջանի կողմից շրջափակման արդյունքն են , նաեւ Ռուսաստանից կախումը նվազեցնելու փորձ։ Այս մասին մայիսի 24-ին հայտնել է Թեհրանի համալսարանի պրոֆեսոր Ռոբերտ Մարկարյանը, ելույթ ունենալով Երեւանում «Հայաստանը 25 տարի անց․ ի՞նչ է լինելու հիմա» թեմայով միջազգային համաժողովի ժամանակ։
Հայաստանը, նրա խոսքով, զգալի տեղ է զբաղեցնում Իրանի ռազմավարության մեջ։ Աշխարհագրական դիրքը կարող է Հայաստանին թույլ տալ իրականացնել իրանական գազի տարանցումը Եվրոպա, Ռուսաստան ու Սեւ ծովի տարածաշրջան։ Սակայն այդ ճանապարհին, շարունակեց նա, կան մի շարք խոչընդոտներ։ «Աշխարհքաղաքական ու ռազմավարական կարեւորության շնորհիվ Հարավային Կովկասի տարածաշրջանը դարձել է միջազգային ու տարածաշրջանային մրցակցության կենտրոն։ Քաղաքական իրավիճակը Հայաստանում, կոռուպցիան, ղարաբաղյան հարցն ու Ադրբեջանի հետ հակամարտությունը խոչընդոտներ են Իրանի հետ համագործակցության ճանապարհին»,- հավելել է Ռոբերտ Մարկարյանը։
