Սփյուռքահայերի ընդամենը 10 տոկոսն է գոնե մեկ անգամ Հայաստանում եղել: Այս մասին Տնտեսական զարգացման եւ ներդրումների նախարարության Տուրիզմի պետական կոմիտեի նախագահ Զարմինե Զեյթունցյանը հայտարարեց «Հայաստանը՝ որպես աշխարհի քարտեզի վրա տուրիստական երթուղի» սեմինարի ժամանակ:
Ընդ որում՝ նրանցից շատերը, որոնք կարող են իրենց նման ուղեւորություն թույլ տալ, չեն գալիս մտածողության պատճառով: Նրանք Հայաստանին ավելի շատ քաղաքականություն են վերագրում, քան տուրիզմ:
«Նրանցից շատերը Հայաստան գալով՝ զարմանքով հայտնաբերում են. պարզվում է՝ այստեղ տեսարժան բան կա»,- նշեց նա: