2015-2016 թթ․ Հայաստանի բանկային համակարգի կապիտալն աճել է 38․6 տոկոսով։ Այս մասին մայիսի 24-ին մամուլի ասուլիսի ժամանակ հայտնել է Հայաստանի ԿԲ ֆինանսական կայունության ու զարգացման վարչության ղեկավար Անդրանիկ Գրիգորյանը։
Դա տեղի է ունեցել բանկերի խոշորացման շնորհիվ։ 2015-16 թթ տեղի է ունեցել 4 միաձուլում, քանի որ մինչեւ 2017-ի սկիզբ բանկերը պետք է ընդհանուր կապիտալը 5-ից մինչեւ 30 մլրդ դրամ բարձրացնեին։
Բանկերը ոչ միայն միաձուլվել են, որոշ բանկեր ինքնուրույն են համալրել իրենց կապիտալը։Արդյունքում համակարգ է եկել մոտ 180 մլրդ դրամ, որից 150 մլրդը՝ 2016-ին։
Կոնսոլիդացիան ստիպել է բանկերին ապաքինել նաեւ ֆինանսական ցուցանիշները։ Միաձուլման գործարքների ժամանակ բանկերը պետք է մաքրեին իրենց բալանսները ու վճարեին բոլոր չաշխատող վարկերը։
2016-ին Հայաստանի բանկերը նաեւ կարողացել են բարձրացնել եկամտաբերությունը։ 2015-ին դրանց ակտիվների ու կապիտալի միջին եկամտաբերությունը (RoA, RoE) կազմել է 0․5 ու 3․5 տոկոս համապատասխանաբար։ 2016-ին RoA-ն 1 տոկոսից քիչ էր (չնայած մի քիչ աճել էր) , իսկ RoE-ն բարձրացել էր մինչեւ 5 տոկոսից քիչ ավելին։