ԱՄՆ նախագահ Դոնալդ Թրամփը ահաբեկչությունն անվանել է աշխարհի «թիվ մեկ խնդիր»։ Նրա կարծիքով, այսօր ահաբեկչության դեմ պայքարում զգալի առաջընթաց է ապահովվել, հայտնում է «Ամերիկայի ձայնը»։
Բելգիայի վարչապետ Շառլ ՄԻշելի հետ Բրյուսելում կայացած հանդիպման ժամանակ Թրամփը հայտնել էր, որ ԱՄՆ-ն ու ՆԱՏՕ-ն աշխատում են «տարբեր խնդիրների» վրա, սակայն խոսելով Մանչեսթերում մահապարտ ահաբեկչի հարձակման մասին, նա նկատել է, որ ահաբեկչությունը խնդիրների ցանկի առաջատարն է։ «Երբ բախվում ես այնպիսի հարձակումների, ինչպիսին էր մի քանի օր առաջ տեղի ունեցածը, գիտակցում ես, թե որքան կարեւոր է հաղթել այդ պայքարում։ Ու մենք կհաղթենք»,- ասել է Թրամփը։