Չինական Յունյան նահանգի երկու գյուղերի բնակիչներ բողոքում են հազարոտնուկների հարձակումից, որոնք անձրեւներից հետո են դուրս եկել, գրում է Daily Mirror-ը:
հազարոտնուկներն ի հայտ են եկել տեղատարափ անձրեւներից հետո: Տեղի բնակիչներն ասում են, որ երբեք նման միջատներ չեն տեսել եւ դրանց անվանել են «տարօրինակ բզեզներ»:
Նրանք բողոքում են, որ սովորական միջատասպան նյութերը դրանց վրա չեն ազդում, իսկ երբ նրանց նետում են կրակի մեջ, նրանք դառնում են գունդ ու հետո կենդանի են մնում:
Տեղի բնապահպանական ծառայության ներկայացուցիչ Վան Ցզյանբին ասել է, որ հեղեղումները հազարոտնուկներին դուրս են հանել իրենց մութ ու խոնավ տեղերից: Նա տեղի բնակիչներին առաջարկել է դրանց դեմ պայքարել՝ մարած կիր օգտագործելով: