Բրիտանական լյուքս դասի ավտոարտադրող Bentley-ն ներկայացրել է Continental 24 կուպեի էքսկլյուզիվ տարբերակը: Այն նվիրված է «Նյուրբուրգրինգի 24 ժամ» շուրջօրյա մարաթոնին եւ մակնիշի պատմության մեջ դարձել է ամենաարագ ավտոմեքենան, հայտնում է AutoBlog-ը:
Կուպեն 21 մատնաչափանոց ալյումինե անվասկավառակներ ունի, արգելակային մեխանիզմը սեւ է: Ավտոմեքենան ունի 700 ձիաուժ հզորությամբ 6 լիտր ծավալով տուրբոշարժիչ: Մեքենայի առավելագույն արագությունը ժամում 336 կմ է, իսկ առաջին «հարյուրյակը» զարգացնում է 3.5 վայրկյանում:
Bentley Motors-ը բրիտանական ավտոմեքենաշինական ընկերություն է, որը մասնագիտացած է լյուքս դասի մեքենաների արտադրության մեջ: 1998 թվականից ներառվել է գերմանական Volkswagen Group կոնցեռնի կազմում: