Դենսթեր անունով ճագարը դարձել է բրիտանական լրատվամիջոցների հերոսը: Խնդիրն այն է, որ 11 ամսվա ընթացքում ճագարը հսկայական չափերի է հասել եւ երեք անգամ ավելի մեծ է, քան նորածին երեխան: Նա դեռ շարունակում է մեծանալ, գրում է Life-ը:
Մասնագետների կանխատեսումներով՝ առնվազն երկու տարի ճագարը դեռ կարող է աճել: Նա արդեն դարձել է Մեծ Բրիտանիայի ամենախոշոր ճագարը:
Ի դեպ՝ Դենսթերի հայրը համարվում է աշխարհի ամենամեծ ճագարը եւ ունի 126 սմ երկարություն: Դենսթերն առայժմ «ընդամենը» 91 սմ է, բայց դեռ ժամանակ ունի հորը գերազանցելու:
