Playboy-ի 30-ամյա մոդել Դանիելա Ջենի Մեթերսը, ով հայտնի է որպես Ջենի Մեթերս, Լոս Անջելեսում դատարանի առջեւ է կանգնել։ Նա մեղադրվում է Snapchat սոցկայքում մերկ տարեց կնոջ լուսանկարը հրապարակելու համար՝ դրան զվարճալի մեկնաբանություններ հավելելով, հաղորդում է NEWSru.co.il-ն։ 

Մեթերսն իրեն մեղավոր չի ճանաչել մասնավոր կյանք ներխուժելու մեջ։ Դատարանը նրան 36 ամիս ժամկետով պայմանական ազատազրկման է դատապարտել: Բացի այդ՝ դատարանը պահանջել է ջնջել հրապարակումը 30 օրվա ընթացքում (ըստ էության, այդ պահանջն անիմաստ է, քանի որ հրապարակումը վաղուց է ջնջվել)։

Անցյա տարվա հուլիսին Դենին «սելֆի» է արել, որտեղ, իրենից բացի, հայտնվել է 70-ամյա մերկ կինը, որի կազմվածքը, մեղմ ասած, կատարյալ չէ։

Սակայն լուսանկարի հրապարակումից հետո լրատվամիջոցների սկանդալի ֆոնին Դենի Մեթերսը Snapchat-ից ջնջել է լուսանկարն ու ներողություն խնդրել իր արարքի համար։ Նա պնդել է, թե պատրաստվում էր լուսանկարն ընկերուհիներից մեկին ուղարկել, սակայն պատահաբար հրապարակել է սոցկայքում։