Հավաքական ավտանգության պայմանագրի կազմակերպությունը (ՀԱՊԿ) մշակում է երրորդ երկրների տարածքում ՄԱԿ-ի խաղաղապահ առաքելություններին մասնակցելու մանդատի ձեւակերպման գործնական հարցերը: Այս մասին ՏԱՍՍ-ին հայտնել է ՀԱՊԿ գլխավոր քարտուղար Յուրի Խաչատուրովը:
Նրա խոսքով՝ ՀԱՊԿ-ն իր տրամադրության ներքո սեփական խաղաղապահ պոտենցիալն ունի (3.5 հազար մարդուց ավելի), որը նախատեսված է խաղաղության աջակցության գործողությունների համար՝ ոչ միայն ՀԱՊԿ անդամ երկրների տարածքում, այլ նաեւ ՄԱԿ-ի ԱԽ-ի մանդատով՝ երրորդ երկրների:
«Ներկայում մենք ՄԱԿ-ի հետ համատեղ մշակում ենք այն գործնական հարցերը, որոնք կապված են ՄԱԿ-ի խաղաղության աջակցության առաքելություններում ՀԱՊԿ խաղաղապահ զորակազմի օգտագործման իրավական ձեւակերպման հետ»,- ասել է Խաչատուրովը:
