Բոլոր պատգամավորներից նույն ակնկալիքներ ունենալը անարադարացի է։ Այս մասին այսօր՝ մայիսի 24–ին, լրագրողների հետ զրույցում հայտարարել է Ֆինանսաբյուջետային և տնտեսական կառավարման հարցերի մշտական հանձնաժողովի նախագահ, ՀՀԿ-ական Գագիկ Մինասյանը։
«Խորհրդարանի նոր կազմը մեկ քայլ առաջ է իր առավելություններով, քան կար նախորդ կազմում։ Կարեւորն այն է, որ այն ծանրաբեռնվածությունը, որ դրվել է խորհրդարանի վրա, կարողանան իրականացնել պատվով։ Սակայն այստեղ կա մի շարք կարերո հանգամանքներ՝ խորհրդարանի բոլոր պատգամավորներից նույն ակնկալիքներ ունենալը անարդարացի է, այդպես է բոլոր երկրներում։ Մենք սեւեռվում ենք հայաստանյան օրինակների վրա, բայց հավատացնում եմ նույն իրավիճակը նաեւ դրսում է։ Պատգամավորների 25–30 տոկոսն է ապահովում բոլոր խորհրդարանների աշխատանքի արդյունքը»,–ասել է Գագիկ Մինասյանը։
