Ոռոգման ջուրը պետք է սպառվի ըստ պահանջի եւ չպետք է գերծախսվի։ Այս մասին ասվում է ոռոգման ջրի կառավարման հայեցակարգում՝ հաշվի առնելով դրա փաստացի օգտագործումը։ Հայցեակարգը հավանության է արժանացել մայիսի 25-ին, Հայաստանի կառավարության նիստում։
Մասնավորապես, հայեցակարգում նշվում է, որ Հայաստանի 70 գյուղերում մոտ 23 հազար հեկտար գյուղատնտեսական հողեր սովորականից երեք անգամ ավելի ոռոգման ջուր են պահանջում՝ ելնելով հողից եւ կլիմայից։ Բոլոր ֆերմերները չեն կարող ջրի դիմաց այդքան խոշոր հաշիվներ վճարել, այդ պատճառվ էլ այդ շրջանների համապատասխան կազմակերպություններում (ջրօգտագործողների հանրություն) պարտքեր են կուտակվում։
Ուստի, առաջարկվում է, մինչեւ 2019 թվականի սկիզբ ենթակառույցների վրա հաշվիչներ տեղադրել, որը տվյալները հեռակա կփոխանցի միասնական SCADA կենտրոն։
Ծրագրվում է նաեւ ընդլայնել խորհրդակցությունները ոռոգման օպտիմալ սահմանափակման շուրջ, ինչպես նաեւ խթանել նրանց, ովքեր իրենց դաշտերում եւ այգիներում կաթիլային ոռոգման համակարգեր կունենան։ Այդպիսով կհաջողվի ջուր խնայել նաեւ նշված շրջաններում, որտեղ սովորականից ավելի է ջուր պահանջվում։