Հորը սխալ ներարկելու եւ անզգուշությամբ մահ պատճառելու համար 1 տարվա ազատազրկման դատապարտված Կարինե Հովհաննիսյանի պաշտպանը Վերաքննիչ բողոք է ներկայացրել:
Փաստաբանը պահանջում է բեկանել առաջին ատյանի կայացրած որոշումն ու նշանակված պատիժը պայմանականորեն չկիրառել կամ գործը հետ ուղարկել առաջին ատյան՝ նոր քննության:
Նշենք, որ ըստ մեղադրական եզրակացության՝ Կարինե Հովհաննիսյանը հորը ցավազրկող դեղամիջոցներ ներարկելու ժամանակ ցավազրկող դեղամիջոցներ լիցքավորելու հետ միասին լիցքավորել է նաեւ հոր ներկայացմամբ եւ պահանջով բնակարան բերված ապակյա` առանց պիտակի սրվակում բաց վիճակում գտնվող, սուր հոտ ունեցող լուծույթ։ Կարինեն այն ներարկել է հորը։ Փորձաքննության եզրակացությամբ պարզվել է, որ այդ լուծույթը հանդիսացել է բենզին, որի ազդեցության ֆոնի վրա առաջացած ինֆարկտից տղամարդը մահացել է: