Եթե ԱՄՆ-ն իրականացնի ՄԱԿ-ի ֆինանսավորումը կրճատելու իր ծրագերը , ապա դա ծայրաստիճան բացասաբար կանդրադառնա կազմակերպության աշխատանքի վրա։ Այս մասին հայտնել է ՄԱԿ-ի ղեկավարի մամուլի քարտուղար Ստեֆան Դյուժարիկը։
Նա շնորհակալություն է հայտնել այն երկրներին, որոնք ամբողջական ծավալով կատարել են Եմենին հումանիտար աջակցության ցուցաբերման իրենց պարտավորությունները։ Դյուժարիկի խոսքով, ԱՄՆ-ն նույնպես հայտարարել էր, որ լրացուցիչ 77 մլն դոլար կտրամադրի Եմենում սովի դեմ պայքարելու համար։
Դյուժարիկը մեկնաբանել է ԱՄՆ բյուջեում ՄԱԿ-ի ֆինանսավորման կրճատումը։ Նրա խոսքով ՄԱԿ-ում հիմա ուշադիր ուսումնասիրում են ամերիկյան բյուջեի նախագիծը։ «Ես կարծում եմ, եթե բյուջեն ընդւոնվի ներկա տեսքով, ՄԱԿ-ը պարզապես չի կարողանա շարունակել կարեւորագույն աշխատանքը խաղաղության, զարգացման, մարդու իրավունքների պաշտպանության ու հումանիտար օգնության ոլորտներում,- ասել է Դյուժարիկը,- Սակայն բյուջեի նախագիծն այն է, ինչ կա։ Այն պետք է անցնի օրենսդրական ընթացակարգեր։ Տեսնենք, թե դրանից ինչ դուրս կգա»։
Դյուժարիկը նաեւ հիշեցրել է, որ դեռ մինչեւ ԱՄՆ բյուջեի մասին հայտնի դառնալը, ՄԱԿ գլխավոր քարտուղար Անտոնիու Գուտերեշտ կոչ էր արել կազմակերպության բոլոր դեպարտամենտներին ավելի խնայողաբար օգտագործել ֆինանսական ռեսորսները։