Ապագայում Չինաստանի վարկանիշի եւս մեկ անկում է հնարավոր, եթե այն վերահսկողության տակ չվերցնի պետական պարտքի ծավալների մեծացումը։ Այս մասին հայտարարել է Moody's վարկանիշային գործակալության փոխտնօրեն Լի Սիուցզյունը, Reuters-ի փոխանցմամբ՝ հաղորդում է RNS-ը։

Մայիսի 24-ին Moody's-ն իջեցրել է Չինաստանի երկարաժամկետ վարկանիշը՝ «Aa3» մակարդակից հասցնելով «A1»-ի, իսկ երկրի վերաբերյալ «բացասական» կանխատեսումը փոխարինել է «կայուն»-ով։

Ըստ գործակալության՝ որոշման պատճառն այն է, որ պարտքի ծավալների մեծացման եւ տնտեսական աճի թուլացման ֆոնին երկրի տնտեսական կայունությունը կվատթարանա։