eBay էլեկտրոնային աճուրդում արտասովոր լոտ է հայտնվել։ Այնտեղ 5 հազար դոլարով առաջարկում են գնել iPad դեբյուտային մոդելի ինժեներային նախատիպը, հայտնում է Life-ը։

Լոտի տեխնիկական բնութագրերը գրեթե համընկնում են սերիական տարբերակի բնութագրերի հետ։ Ինժեներական նախատիպի միակ տարբերությունը SwitchBoard օպերացիոն համակարգն է, որը տեղադրված է պլանշետում՝ սովորական iOS-ի փոխարեն։ SwitchBoard հարթակը օգտագործվում է սարքի տարբեր բաղադրիչների փորձարկման համար։

Այս հազվագյուտ ապրանքի վաճառողը նկարագրության մեջ նշում է, որ iPad- ի նախատիպեր ազատ վաճառքում չկան, այնպես որ գնորդը եզակի հնարավորություն ունի ձեռք բերել այդ առասպելական սարքը։

Անցած տարի աճուրդում 905 հազար դոլարով վաճառվել է 1976–ին թողարկված Apple համակարգիչ։