Պարզվումէ, որ Յուպիտերի մագնիսային դաշտը երկրայինից տասնապատիկ ուժեղ է։ Իսկ մոլորակի բեւեռների վրա Երկրի չափով հսկակայական ցիկլոններ են գտնվում, այս մասին են վկայում «Յունոնա» տիեզերական արբանյակից ստացված նոր տվյալները, փոխանցում է BBC-ն։
Ամերիկյան NASA-ն նախօրեին հրապարակել է Յուպիտերի բեւեռների մանրակրկիտ լուսանկարները, որոնք արվել են անցած տարվա օգոստոսի վերջին, երբ արբանյակն առավելագույնս մոտեցել է Յուպիտերին։ Սակայն այդ լուսանկարները գիտնականները վերջերս են ստացել
Յուպիտերի գլխավոր գաղտնիքներից մեկն է մնում մոլորակի բեւեռներում գտնվող հսկայական ցիկլոններն ու փոթորիկները։
«Մենք ուզում ենք հասկանալ, թե ինչպես են ձեւավորվել այդ ցիկլոնները, որքանով կայուն է այդ կոնֆիգուրացիան ու ինչու Յուպիտերի հյուսիսային բեւեռը նման չէ հարավայինին։ Մենք ուզում ենք նաեւ հասկանալ, թե որքանով դինամիկ է այդ համակարգը», - ասել է «Յունոնա» առաքելության ղեկավարներից մեկը՝ Սկոթ Բոլթոնը։
Եւս մեկ անսպասլի հայտնագործություն էր Յուպիտերի հզոր մագնիսային դաշտը։
Մինչ այդ էլ էր հայտնի, որ Յուպիտերն ունի Արեւային համակարգի ամենաուժեղ մագնիսային դաշտը ու ամենամեծ մագնիսային ոլորտը։
Սակայն պարզվել է, որ Յուպիտերի մագնիսային դաշտը կրկնակի հզոր է, քան մինչ ենթադրում էին գիտնականները ու մոտավորապես 10 անգամ հզոր է, քան Երկրինը։ .