Կան երաշխիքներ, որ ՆԱՏՕ-ի գումարտակներն առնվազն մինչեւ 2022 թվականը կմնան արեւելյան թեւում։ Այս մասին Բրյուսելում ՆԱՏՕ-ի գագաթնաժողովի ավարտից հետո հայտնել է Լեհաստանի նախագահ Անժեյ Դուդան, հաղորդում է «Ռադիո Լեհաստան»-ը։

Մինչ այդ Լեհաստանում եւ բալթյան մյուս երկրներում Հյուսիսատլանտյան դաշինքի ռազմական ներկայությունը նախատեսվում էր պահպանել մինչեւ 2018 թվական։ Նախագահի խոսքով՝ ՆԱՏՕ-ի ուժերը եւս չորս տարով տարածաշրջանում կմնան։

«Բոլորը հասկանում են, Հյուսիսատլանտյան դաշինքի նման ակտիվությունն անհրաժեշտ է։ Անվտանգության շուրջ իրադրությունը փոխվում է։ 90-ականներին եւ 2000-ականների սկզբում խաղաղության եւ հանգստության դիվիդենդները սպառվում են», - նշել է Անժեյ Դուդան։