Ժամանակակից պայմանները բարձրացնում են ԱՊՀ կառույցնեի արդիականացման հարցը։ Այս մասին հայտնել է Ռուսաստանի վարչապետ Դմիտրի Մեդվեդեւը Եվրասիական միջկառավարական խորհրդի նիստի ժամանակ, հայտնում է Ինտերֆաքսը։
«Մարտահրավերներն ու սպառնալիքները, որոնք բախվում են մեր երկները, միանգամայն որոշակիորեն բարձրացնում են ԱՊՀ կառույցների արդիականացման հարցը, հատկապես միջազգային թեմաների՝ նախեւառաջ ահաբեկչության, վերազգային հանցավորության, ապօրինի միգրացիայի ու թմրաթրաֆիկի սպառնալիքների շուրջ մեր դիրքորոշումները ավելի լավ համակարգելու ոլորտներում»,- ասել է Մեդվեդեւը։
Մեդվեդեւն անդրադարձել է նաեւ Ազատ առեւտրի մասին պայմանագրի դրույթների հիման վրա առեւտրային խոչընդոտների վերացմանն ուղղված համատեղ աշխատանքի կարեւորությանը։ Նրա խոսքով ստեղծվելու են պայմաններ «ԱՊՀ տարածքում ինքնաբավ պարենամթերային շուկայի ձեւավորման, տանսպորտի, էներգետիկայի ոլորտում փոխշահավետ համագործակցության զարգացման համար», ուժեղացվելու է նաեւ նորարարությունների ու գիտական նախագծերի աջակցությունը։
Մեդվեդեւի հիշեցրել է, որ այս տարի ԱՊՀ-ում նախագահությունն անցել է Ռուսաստանին ու հավելել, որ Ռուսաստանը բաց է ԱՊՀ զարգացման ուղղությամբ կառուցողական առաջարկների համար։