Հայաստանի Զբոսաշրջության հարցերով պետկոմիտեն կռաջարկի սահմանին զբոսաշրջային ավտոբուսները ազատել տուրքից։ Այս մասին NEWS.am–ի թղթակցին հայտնել է Տնտեսական զարգացման ու ներդրումների նախարարությանն առընթեր պետկոմիտեի փոխնախագահ Մեխակ Ապրեսյանը Կոմիտեի բաց դռների օրվա ընթացքում։
Նա հիշեցրել է, որ զբոսաշրջային ավտոբուսները վճարում են տուրք ոչ կանոնավոր միջպետական փոխադրումների համար (կանոնավոր փոխադրողները վճարում են ոչ թե միանվագ այլ ուրիշ ռեժիմով)։ Չգրանցված ուղեւորատար ավտոբուսները ու միկրոավտոբուսները նույնպես այդ տուրքը վճարում եт սահմանի յուրաքանչյուր հատման ժամանակ, բայց զբոսաշրջային ավտոբուսների համար, հավելեց Ապրեսյանը, լա վ կլիներ բացառություն անել։
«Այդ դեպքում իհարկե պետք է հասկանալ, թե ինչպես զբոսաշրջային ավտոբուսները տարբերել մնացածից։ Տարբերակներից մեկն է դրանց որակավորումը, որն արդեն գործում է կամավոր ռեժիմով։ Կքննարկենք նաեւ այլ առաջարկներ»,- հավելել է նա։