Պետական եկամուտների կոմիտեում կառուցվածքային փոփոխություններ են կատարվում: Այս մասին այսօր՝ մայիսի 27-ին, մի քանի լրագրողների հետ զրույցում ասաց Կոմիտեի նախագահ Վարդան Հարությունյանը՝ անդրադառնալով կրճատումների մասին տեղեկություններին:
«ՊԵԿ համակարգում վաղուց համակարգային փոփոխություններ չեն եղել: Այսօր կառուցվածքային փոփոխություններ են լինում, սա ոչ թե կապված է այն հանգամանքի հետ, որ ժամանակին համակարգն ուռճացված է եղել, այլ ժամանակի հետ քայլելու խնդիր կա պարզապես»,- ասաց Վարդան Հարությունյանը:
Կոմիտեի նախագահի պնդմամբ, կրճատումներ որպես այդպիսին չեն եղել, ընդհանուր կառուցվածքային փոփոխություններ են ընթանում, բայց հունվարի 1-ից առ այսօր 200-ից ավելի աշխատակից է աշխատանքից ազատվել:
Նշենք, որ ըստ մամուլի հրապարակումների՝ շուրջ 600 աշխատակից է կրճատվելու ՊԵԿ-ում:
