Պետական եկամուտների կոմիտեի նախագահ Վարդան Հարությունյանը հերքում է մամուլի տեղեկությունները, թե «Գազպրոմ Արմենիա»-ի աշխատակիցներին տեղափոխել է իր մոտ աշխատելու:
Այսօր՝ մայիսի 27-ին, լրագրողները Կոմիտեի նախագահից հետաքրքրվեցին՝ արդյոք ճիշտ են տեղեկությունները, թե ինքն իր կադրերին ՊԵԿ է տեղափոխել, Վարդան Հարությունյանն արձագանքեց. «Այդ տեղեկություններն իրականությանը չեն համապատասխանում, որովհետեւ իմ գալուց բոլորը խոսում էին, որ «Գազպրոմի» աշխատողները գալու են ՊԵԿ, բայց նման բան չեղավ, իրականում չկա նման աշխատակից մեզ մոտ»:
Նշենք, որ Վարդան Հարությունյանը մինչեւ ՊԵԿ նախագահ նշանակվելը, եղել է «Գազպրոմ Արմենիա» ՓԲԸ-ի վարչության նախագահ-գլխավոր տնօրեն: