ՀՀ տարածքային եւ զարգացման նախարար Դավիթ Լոքյանը NEWS.am-ի հետ զրույցում պնդել է, որ Արմավիրի մարզպետ Աշոտ Ղահրամանյանը լավ է աշխատել եւ նա առաջիկայում էլ կշարունակի մնալ նույն պաշտոնում:
«Դրանք հնարովի տեղեկություններ են, իրականում չկա այդպիսի բան: Ղահրամանյանը մեր լավագույն պաշտոնյաներից է, մարզի ցուցանիշները երբ նայում ենք, այդպիսի բան մտածելու տեղիք չի տալիս»,-ասաց նա՝ անդրադառնալով առաջիկայում Աշոտ Ղահրամանյանի պաշտոնանկության մասին լուրերին:
Իր պաշտոնանկության մասին լուրերին Աշոտ Ղահրամանյանը չցանկացավ պատասխանել եւ առաջարկեց հարցն ուղղել Դավիթ Լոքյանին. «Ես ի՞նչ իմանամ կմնամ թե չէ, ահա, նախարարին ուղղեք ձեր հարցը»:
Նշենք, որ տեղեկություների համաձայն, Աշոտ Ղահրամանյանն առաջիկայում պաշտոնանկ է արվելու եւ նրա փոխարեն Արմավիրի մարզպետի պաշտոնում նշանակվելու է ՀՀԿ-ական պատգամավոր Նահապետ Գեւորգյանը, որի փոխարեն ԱԺ է գալու ՄԱՊ-ի Ալիկը՝ Ալեքսան Պետրոսյանը: