Ավստրալիայի Նոր Հարավային Ուելս նահանգում դպրոցականները սովորում են շփվել ձիերի հետ՝ մարզում են, խնամում: Վերջին շրջանում գրանցված անտառային հրդեհներն ու ջրհեղեղները երեխաներին լուրջ հոգեկան վնասվածք են հասցրել, եւ մասնագետները փորձում են ձիերի օգնությամբ ապաքինել երեխաներին:
Ըստ NTDTV-ի՝ դեռահասներին որոշել է օգնել տեղական երիտասարդական կենտրոնի աշխատակից Լայզա Դյերը: Նա մասնագետի հետ վեցշաբաթյա դասընթաց է կազմակերպել:
Թերապիան արդեն զգալի արդյունքներ է արձանագրել. դա տեսնում են ե՛ւ ծնողները, ե՛ւ դպրոցական ուսուցիչները:
Հիմա տեղական իշխանություններն ու հասարակական կազմակերպությունները խորհուրդ են տալիս ծրագրին մասնակցել բոլորին, ովքեր հոգեբանական օգնության կարիք ունեն: