Երևանյան Barcamp 2017-ը Facebook-ի էջում չատբոտ է կիրառում, որը օգնում է մասնակիցներին և հյուրերին տեղեկատվություն ստանալ: Չատբոտի ստեղծման հարցում Barcamp-ցիներին օգնել է Simply Technologies-ը: Բոտը արագորեն տեղեկացնում է օրակարգի, ընթացիկ քննարկումների մասին՝ նշելով, թե որ խոսնակը, որ լսարանում է քննարկում անցկացնում:
Ստեղծելիս հաշվի են առել նաև քաղաքավարի վարքի հարցերը: Այն նախևառաջ հարցնում է հայցորդի որպիսությունը, նշում, որ սիրով կպատասխանի հարցերին:
Facebook-ում չատբոտերի կիրառումը արդեն վաղուց է տարածված, բայց Հայաստանում եզակի էջեր կան, որոնք կիրառում են բոտ, էջի անդամներին օգնելու համար: Իսկ միջոցառումների կազմակերպիչների պաշտոնական էջերում նման բան ընդհանրապես Հայաստանում չի եղել, Երևանյան Barcamp-ն առաջինն է:
Նշենք, որ Barcamp-ը տարածաշրջանի ամենասպասված ՏՏ և մեդիա միջոցառումն է, որն ամեն տարի կազմակերպվում է Երևանում: Երևանյան Barcamp-ը նաև խոշարագույններից է համարվում ամբողջ աշխարհում, մասնակիցների թվով: