Triada Studio Games-առաջիկա ամիսներին Shadowmatic խաղի համար ամբողջական նոր հավելում կթողարկի: Այս մասին մայիսի 27-ին, երևանյան Barcamp 2017-ում ասաց Triada Studio Games-ի տեխնիկական հարցերի տնօրեն Բագրատ Դաբաղյանը՝ նշելով, որ նոր հավելումը կլինի տիեզերագնացության, երաժշտական գործիքների և անտիկ շրջանի թեմաներով: «Նոր փաթեթը 3 մասերից է բաղկացած: Յուրաքանչյուր թեման կունենա 10 բաժին: Կներբեռնենք առաիջկա ամիսներին, խաղի երկրպագուները կարող են վստահ լինել»,-ասաց նա՝ ավելացնելով, որ այս անգամ, սակայն, խաղի հավելումը լինելու է վճարովի, սահմանվելու է նվազագույն գին:

Նշենք, որ Shadowmatic-ը ամենաշատ ներբեռնված և ամենաշատ մրցանակներ շահած հայկական խաղային հավելվածն է: Այն 2015-ին ստացել է Apple-ի մրցանակը լավագույն դիզային համար: 12-րդ Mobile Gaming Awards-ում Shadowmatic-ը ստացել է երկրպագուների մրցանակն ու լավագույն տեխնիկական լուծման մրցանակը:

Shadowmatic-ն այժմ ունի 4 մլն օգտատեր: