Հայ ժողովուրդն ի վիճակի է օգնել ուրիշներին, դա մեր պատասխանն է թուրքերին։ Դա նրանց արարքների հակապատկերն է։ Այս մասին մայիսի 27-ին UWC Դիլիջան միջազգային քոլեջում «Aurora Dialogues» քննարկումների առաջին օրվա շրջանակում լրագրողներինն ասաց «Ավրորա» մարդասիրական նախաձեռնության համահիմնադիր, Flagship Pioneering ընկերության գլխավոր գործադիր տնօրեն, ձեռնարկատեր Նուբար Աֆեյանը։
Նրա խոսքով՝ «Ավրորա»-ն նոր ծրագիր է։ «Մարդասիրական ոլորտում նման ծրագրեր չեն եղել, որոնք այնպիսի փոքրիկ երկիր, ինչպիսին Հայաստանն է, ներկայացնեին ամբողջ աշխարհում։ Աշխարհն ամենեւին չի կենտրոնանում Ցեղասպանություն վերապրած հայերի շուրջ։ Մեր ներկայացրած նյութերը միանգմայն նոր են, եւ համաշխարհային մակարդակով առաջին անգամ են ներկայացվել»,- նշել է Նուբար Աֆեյանը։ Նա վստահ է, որ հետագայում էլ կշարունակեն այդ գործը։ «Այն պահին, երբ զգում ես, որ խաղաղությունը լքել է քեզ, եւ դու տեսնում ես, որ մարդիկ պատրաստ են իրենց կյանքը վտանգելով քեզ օգնել, անկասկած հույս է տալիս։ Ցեղասպանության ժամանակ մենք՝ հայերս մեր վերջին շունչն էին փչում, եւ պատմության ընթացում միանգամայն օտար մարդիկ՝ ամերիկացիներ, թուրքեր կամ սիրիացիներ, օգնել են մեզ։ Այժմ նրանք տեսնում են հայ ժողովրդին, որը հաղթահարել է այդ ամենն ու ինքնավստահ եւ աշխատասեր ժողովուրդ դարձել»,- ընդգծել է Նուբար Աֆեյանը։
«Ավրորա»-ի նախորդ տարվա մրցանակաբշխության գումարի մի մասը փոխանցվել է Բրազիլիայի որբերին։ «Եթե միայն տեսնեիք՝ ինչպես են այդ երեխաները խոսում հայերի ու Հայաստանի մասին։ Այժմ նրանք տեսնում են, որ հայ ժողովուրդը Բուրունդիայից մի կնոջ միջոցով («Ավրորա»-ի մրցանակակիր Մարգարեթ Բարանկից) օգնում է իրենց»,- հավելել է Նուբար Աֆեյանը։
