Լոռու մարզում խոշոր ավտովթար է տեղի ունեցել: Վանաձոր-Սպիտակ ավտոճանապարհին րոպեներ առաջ իրար են բախվել «ՎԱԶ 2107», «Մերսեդես» եւ «Հոնդա» մակնիշների ավտոմեքենաները:
Պատահարի հետեւանքով երեք մեքենաներն էլ ամբողջությամբ այրվել են: Վթարի արդյունքում երեք վարորդներն էլ մարմնական տարբեր աստիճանի վնասվածքներով տեղափոխել են Վանաձորի եւ Սպիտակի բուժկենտրոններ:
NEWS.am-ի թղթակիցը հաղորդում է, որ «Հոնդա» մակնիշի 028 ՏՏ 01 համարանիշի ավտոմեքենան պատկանում է Լոռու մարզի ընդհանուր իրավասության դատարանի նախագահ Մուշեղ Հարությունյանին: Նշված մեքենայի վարորդը նույնպես այս պահին հիվանդանոցում է: Առայժմ չի հաջողվում պարզել, արդյո՞ք դատավորը նույնպես մեքենայի մեջ է եղել:
Դեպքի վայրում այս պահին հրդեհաշիջման աշխատանքներ են իրականացվում: Տեղում են նաեւ մեծ թվով իրավապահներ, բժիշկներ, շտապ օգնության մեքենաներ:
Լուսանկարները՝ Էդվարդ Արզումանյանի