Մայիսի 27-ին, հիվանդանոցում մահացել է Երեւան քաղաքի Նորաշեն թաղամասի բնակիչ, 2-ամյա Նատալի Զոհրաբյանը, ով հիվանդանոց էր տեղափոխվել վթարից հետո ծայրահեղ ծանր վիճակում:

Ավելի վաղ Shamshyan.com-ի  փոխնցմամբ, մայիսի 24-ին, խոշոր ավտովթար էր տեղի ունեցել Արարատի մարզում. ժամը 20։30-ի սահմաններում 28-ամյա Ալբերտ Ա.-ն իր վարած BMW մակնիշի 87 MN 007 համարանիշի ավտոմեքենայով Լանջազատ գյուղից դեպի Բարձրաշեն գյուղ տանող գյուղամիջյան ճանապարհին՝ Բարձրաշեն գյուղի վարչական տարածքում, դուրս էր եկել ճանապարհի երթեւեկելի գոտուց եւ կողաշրջվելով հայտնվել դաշտամիջյան հատվածում։

Վթարի հետեւանքով վարորդ Ալբերտ Ա.-ն, նրա ուղեւորներ՝ 31-ամյա Մերի Կ.-ն, 23-ամյա Նաիրա Կ.-ն, 19-ամյա Նարինե Կ.-ն, 2-ամյա Նատալի Զոհրաբյանը եւ 8-ամյա Մարիետա Ս.-ն մարմնական վնասվածքներով տեղափոխվել էին «Էրեբունի» բժշկական կենտրոն։