Եվրոպան չի կարող մեկուսանալ այն ամենից, ինչ տեղի է ունենում Մերձավոր արեւելքում։ Այս մասին մայիսի 28-ին հայտնել է Կահիրեի Ամերիկյան համալսարանի միգրացիայի ու փախստականների ուսումնասիրության կենտրոնի փորձագետ Իբրահիմ Ավադը՝ Aurora Dialogues ինտերակտիվ քննարկումների երկրորդ օրը Մատենադարանում ելույթ ունենալով «Միգրացիա՝ ճգնաժամից դեպի ինտեգրում» թեմայով։ (ֆոտոռեպորտաժ)
Նրա խոսքով փախստականների ճգնաժամի կարգավորման տեսակետից, շատ կարեւոր է տարածել ու օգտագործել տեղեկությունները։ «Կարեւոր են նաեւ երկրների ջանքերը՝ հասկանալու համար, որ փախստականների հետ կապակցված մարտահրավերը ճգնաժամ է բոլորի համարր։ Այդ ճգնաժամին առերեսվելը կարեւոր է ամբողջ միջազգային համակարգի համար։ Համակարգի պառակտումը չի կարող բխել որեւէ երկրի շահերից»,- նշել է Իբրահիմ Ավադը՝ շեշտելով, որ երկրի տնտեսական քաղաքականությունը նույնպես շատ կարեւոր է։
