Ֆրանսիայի նախագահ Էմանուել Մակրոնը պատմել է, թե ինչ է մտածում ԱՄՆ նախագահ Դոնալդ Թրամփի եւ Ռուսաստանի նախագահ Վլադիմիր Պուտինի մասին: RNS-ի փոխանցմամբ՝ այս մասին նա խոսել է Journal Du Dimanche-ին տված հարցազրույցում:
«Դոնալդ Թրամփն ավելի բաց մարդ է, քան մենք կարծում ենք: Նա սիրում է ուղիղ շփումը եւ կարող է փոխել իր դիրքորոշումը»,- ասել է նա: Մակրոնը վստահ է, որ այս հանգամանքը հաշվի առնելով՝ կկարողանա հարաբերություններ կառուցել ԱՄՆ նախագահի հետ:
Ֆրանսիայի նախագահը խոսել է նաեւ Պուտինի մասին: «Ես հարգանքով եմ վերաբերվում Ռուսաստանին եւ Վլադիմիր Պուտինին Ֆրանսիա եմ հրավիրել դիվանագիտական հարաբերությունների հաստատման 300-ամյակի շրջանակում»,- ասել է Մակրոնը:
Նա նշել է, որ «պահանջկոտ երկխոսություն» է վարելու Ռուսաստանի նախագահի հետ ու մտադիր է նրա հետ քննարկել «բոլոր խնդիրները»:
