Երեւանում Սլավոնական համալսարանում ռուս հայտնի դերասան Կոնստանտին Խաբենսկիի հետ հանդիպման ժամանակ փոքրիկը բեմ է բարձրացել ու դերասանին շնորհակալություն հայտնել իր կյանքը փրկելու համար:
«Շնորհակալ եմ, որ բուժեցիք ինձ: Ես առողջ եմ»,- ասել է հոր օգնությամբ բեմ բարձրացած տղան:
Սեղմելով երեխայի ձեռքը՝ դերասանն ասել է. «Նման պատմությունները չպետք է սահմանափակվեն միայն որոշակի պետության երեխաներով: Բնականաբար, մենք օգնում ենք երեխաների ոչ միայն Հայաստանից: ԱՊՀ-ն գրեթե ամբողջությամբ այս կամ այն կերպ ներառված է մեր ծրագրերում, եւ մենք երեխաներին բուժման ենք տանում կա՛մ Մոսկվա եւ Պետերբուրգ, կա՛մ տեղում ենք խորհրդատվություն տրամադրում բժիշկներին»,- ասել է նա՝ հավելելով, որ շատ կարեւոր է միասին աշխատել ու հետեւողական լինել:
Հիշեցնենք, որ Կոնստանտին Խաբենսկին Երեւանում է «Ավրորա» մարդասիրական նախաձեռնության շրջանակում: Նա հանդիպել է Հայ-ռուսական (Սլավոնական) համալսարանի ուսանողների հետ:
Այսօր երեկոյան կայանալու է նաեւ «Ավրորա» մրցանակաբաշխությունը, որին 5 մարդ է հավակնում: