Հռոմի Ֆրանցիսկոս պապը կիրակի Վատիկանում հավատացյալների հետ հանդիպմանը համերաշխություն է հայտնել Մեծ Բրիտանիայի եւ Եգիպտոսի ժողովուրդներին:
Մայիսի 26-ին եգիպտական Էլ Մինյա նահանգում ահաբեկիչները գնդակոծել էին վանք ուղեւորվող ղպտի քրիստոնյաների ավտոբուսը: Հարձակման հետեւանքով շուրջ 3 տասնյակ մարդ է զոհվել, ավելի քան 20 վիրավոր կա:
Ֆրանցիսկոս Պապը նշել է, որ Եգիպտոսում իրականացված ահաբեկչության զոհերը, այդ թվում՝ երեխաներ, գնում էին վանք՝ աղոթելու, եւ սպանվել են՝ իրենց հավատքից չհրաժարվելու համար:
Կաթոլիկ Հովվապետը հավատացյալներին նաեւ կոչ է արել աղոթել մայիսի 22-ին Մանչեսթերում համերգից հետո իրականացված ահաբեկչության հետեւանքով 22 մարդ է զոհվել, այդ թվում՝ երեխաներ: Ահաբեկչությունն իրականացնելու մեջ կասկածում են տեղի բնակիչ, ծնունդով Լիբիայից Սալման Աբեդիին: