Բրիտանական ոստիկանությունը Մանչեսթերի ահաբեկչության մեջ կասկածվող եւս մեկ անձի է ձերբակալել: Այսպիսով, գործով ձերբակալվածների թիվը հասել է 14-ի: Նրանցից երկուսին ազատ են արձակել՝ առանց մեղադրանք առաջադրելու:
Ըստ Reuters-ի՝ Մանչեսթերի հարավ-արեւմուտքում ահաբեկչության մասին օրենսդրությանը հակասող իրավախախտման կասկածանքով 25-ամյա տղամարդ է ձերբակալվել:
Հիշեցնենք, որ Մանչեսթերում ահաբեկչության հետեւանքով 22 մարդ է զոհվել: Ոստիկանությունն ահաբեկչությունն իրականացնելու մեջ կասկածում է տեղի բնակիչ, ծնունդով Լիբիայից Սալման Աբեդիին:
