Կիբերանվտանգության ոլորտի մասնագետները համարում են, որ WannaCry դրամաշորթ վիրուսը ստեղծողները ծագումով Չինաստանից, Հոնկոնգից, Թայվանից կամ Սինգապուրից են, գրում է South China Morning Post-ը։
Լեզվաքրեական անալիզը ցույց է տվել, որ ծրագիրը գրվել է չիներենի, ընդ որում դրա հարավային բարբառի կրողի կողմից, հավաստիացնում են ամերիկյան Flashpoint ընկերության փորձագետները։
Ֆիրմայի տվյալներով մեկ բնորոշ վրիպակը թույլ է տալիս եզրակացնել, որ հաղորդագրության տեքստը, որը հայտնվել էր վարակված համակարգիչների էկրաններին ի սկզբանե չինարեն է եղել , հետո թարգմանվել անգլերեն։ Անգլալեզու տարբերակի հիման վրա ավտոմատ թարգմանության միջոցով ստացվել են եւս 26 լեզուներով տեքստեր։
Չինարեն տեքստում եղել է «շաբաթ» (libai) բառը, որը հիմնականում երկրի հարավային մասում ու մերձակա կղզիներում է գործածվում։
Սակայն լեզվաբաններից մեկի կարծիքով բարբառային մեկ բառի առկայությունը տեքստում հուսալի ապացույց չէ, քանի որ Չինաստանի հյուսիսում նույնպես գործածում են այդ բառը։
Հիշեցնենք, որ մայիսի 12-ին զանգվածային կիբերհարձակում էր իրականացվել 150 երկրների ավելի քան 200 հազար համակարգիչների վրա։